Arian Leka në Entre...Visto: De Escritor a Escritor

Arian Leka në librin "Entre...Visto: De Escritor a Escritor". Nisur nga pasioni i gazetarit, shkrimtari i mirënjohur kuban Amir Valle ka publikuar në formë intervistash takimet e tij personale me 22 shkrimtarë nga Amerika Latine, Spanja dhe vise të tjera të botës. Pjesë e dialogëve është edhe intervista me shkrimtarin shqiptar Arian Leka, titulluar "La humanidad tiene un contrato de fe." Para se të botohej në librin "Entre...Visto: De Escritor a Escritor", intervista mes autorëve Amir Valle dhe Arian Leka në revistën "OtroLunes"- Revista Hispanoamericana de Cultura. Uta Thofern, gazetare gjermane, drejtoreshë e Deutsche Welle – spanjisht: "Ka pak autorë që mund të shtjellojnë tema kaq komplekse... e jo më ta bëjnë këtë në dy gjuhë! Më pëlqen gjithmonë t'i lexoj tekstet e tua, jo vetëm se janë mjaft të thellë, por edhe ngaqë janë shkruar gjithmonë shumë mirë."
Amir Valle Ojeda (1967, Guantanamo), është gazetar, kritik letrar dhe shkrimtar kuban. Vepra e tij përshkruan aspekte të jetës kubane, që autoritetet qeveritare i ndaluan apo i mbajtën të fshehura. Valle fitoi njohje të gjerë ndërkombëtare me serinë e romaneve kushtuar Havanës, ku trajtohen temat e trafikimit të fëmijëve, drogës dhe prostitucionit. Pas kritikave ndaj regjimit të Fidel Kastros, shprehur përmes romaneve dhe gazetarisë, Amir Valle nuk u lejua të kthehej në Kubë pas vitit 2006. Prej asaj kohe ai u vendos në Berlin. Mes të vlerësimeve të shumta, Amir Valle ka ka marrë dhe çmimet e larta letrare "Vargas Llosa" 2006, për romanin "Las palabras y los muertos", çmimin "Rodolfo Walsh" për veprën më të mirë jo-fiction në gjuhën spanjolle dhe çmimin NOVELPOL për thrillerin më të mirë spanjoll.

Përkthyesja Merima Kriezi në rezidencën letrare POETEKA - Tirana in Between

Rezidenca letrare "POETEKA - Tirana in Between" e filloi veprimtarinë për vititn 2025 me përkthyesen Merima Kriezi, fituese e grantit të mbështetetur nga TRADUKI dhe drejtohet nga Poeteka prej më se një dekade. 

Si përkthyese, Merima Krijezi ka botuar një numër të gjerë tekstesh letrare, kryesisht prozë dhe poezi nga shqipja dhe serbishtja. Ajo ka kontribute edhe në përkthimin e teksteve dokumentare, përfshi filma të shkurtër dhe reportazhe. Përkthimet e saj janë botuan në revista të njohura në rajon, mes të cilave "Sarajevske Sveske", "Sveske", "Mostovi", "Treći trg", "Beogradski književni časopis", "Poeteka", "Naše stvaranje" etj.  

Merima Krijezi ka sjellë në gjuhën serbe dy romane: "Ridënimi" nga Fatos Lubonja (Partizanska Knjiga, 2021) dhe "Vajzat me çelës në qafë" nga Lindita Arapit (Partizanska Knjiga, 2025), si dhe "Poezi të zgjedhura" të Arian Lekës (Srebno drvo - Treći Trg, 2023) si dhe një numër të gjerë poezish të autorëve bashkëkohorë shqiptarë, mes të cilëve I. Kadare, F. Kongoli, R. Dibra, L. Starova, E. Tupja, K. Mehmeti, S. Spasse, H. Kadare, A. Apolloni, Xh. Bajraj, B. Rogova Gaxha etj. 

Prej vitit 2006 e në vijim Merima Krijezi bashkëpunon me Institutin për Përparimin e Arsimit në Beograd, ndërsa gjatë të viteve 2004–2012 ka dhënë ndihmesë për "Sveske" - revistë për Letërsinë, Artin dhe Kulturën.  Ajo ka gjithashtu kontribute edhe në fushën e leksikografisë, pasi është një nga autorët e "Fjalorit elektronik shqip-serbisht-shqip" (mbi 35.000 fjalë e shprehje frazeologjike) të platformës VOC UP, publikuar në https://www.fjalor-recnik.com, me mbështetjen e IOM-it, në bashkëpunim me Misionin e Kombeve të Bashkuara në Kosovë, Ambasadën Britanike në Prishtinë dhe Zyrën e Komisionerit për gjuhët. 

Merima Krijezi lindi në Beograd në vitin 1972, u diplomua në Katedrën për Gjuhë dhe Letërsi shqipe pranë Fakultetit Filologjik të Beogradit ku, në vitin 2013, mbrojti doktoraturën me tezën "Kuptimi i parafjalëve në shqip dhe serbisht", katedër ku dhe punon si profesore e asociuar.  Fituese të tjera të grantit grantit të mbështetur nga TRADUKI për vitin 2025 janë edhe Evgenia Dineva – shkrimtare e dhe Katarina Mitrović - shkrimtare.

Arian Leka dhe Đorđe Krajišnik në Novosti

NOVOSTI - revista javore kroate me qendër në Zagreb - botoi intervistën me titullin "Ne e kthyem detin në përbindësh": një bashkëbisedim i gjerë mes shkrimtarit Arian Leka dhe kritikut të njohur letrar Đorđe Krajišnik. Temat e eksodit, braktisja e sotme e vendit, literatura e Ballkanit dhe rikthimi në "letërsinë me porosi", marrëdhënia historike dhe e re e shqiptarëve me detin, temat dhe zhanret letrare, vendi dhe roli i muzikës në krijimtarinë e Arian Lekës etj., janë disa nga temat e dialogut.

..."Deti është i gjerë dhe horizontal, ndërsa njeriu është vertikal, si një pikëçuditëse përballë tij, vëzhguesi, që e admiron teksa deti rri shtrirë...

...Ballkanasit po vrapojnë, njëlloj si personazhet e folklorit, sërish pas fatit hipotetik, drejt "kismetit" të tyre. Ekziston ndjesia se vendet tona funksionojnë si reparte urgjence apo si njësi të ndihmës së shpejtë për nevojat utilitare të vendeve të Europës Perëndimore. Duket sikur diçka i dëbon njerëzit nga vendet e tyre. Kjo çrrënjosje shndërron jo vetëm jetët e njerëzve që ikin, por gjithë shoqërinë...

...Gjithçka është eksod. Lindja është një eksod. Vdekja është eksod. Edhe imagjinata është eksod. Eksodi është një konstantja. Eksod nga shtëpia. Eksod nga dashuria. Eksod nga kujtesa. Eksod nga profesionet. Shqiptarët janë prekur thellësisht nga kjo furi eksodesh, lëshimesh të vendit. Rrallë ka ndodhur që të rrëmbehet një flotë e tërë e kjo flotë të marrë me vete gjysmën e një kombi, për ta larguar atë me anije nga vendi i tij, siç ndodhi mes viteve 1991-1992...

...Pena është më e fuqishme se shpata, thotë proverbi. Le të jemi realistë. Pushteti i shkrimtarit si "ligjvënësi i panjohur i botës" ka humbur. Shkrimtari e shndërroi veten në një lloj "kleri letrar", pjesë e liturgjisë librore, e spektaklit të vetëpromovimit dhe procesioneve mediatike. Diktaturat prodhuar shkrimtarë. Sot shkrimtarët prodhohen nga shteti, mediat dhe tregu i porosisë. Shndërrimi i penës në shpatë solli pasoja të rënda për ne. Nuk po gjykoj, por është më e lehtë ta kthesh penën në shpatë sesa shpatën në penë. Nuk kishim fatin ta kishim edhe ne një Miroslav Krlezha, apo një si Danilo Kish, që u vetëndëshkua me "eksod të brendshëm" për të mos e kthyer penën në armë, shkrintarët tanë u rekrutuan, u thirrën nën armë, shërbejnë edhe sot...

...Nuk kam një vend të posaçëm ku shkruaj, sepse nuk më pëlqen të kem. Madje më bezdis fjala "studio". "Studioja ime krijuese" e vetme ishte kabina e anijes "Iliria", ku gjatë punës në lundrim, ku shkrua libri i parë, më 1994, aty ishte edhe e para dhe e fundit bibliotekë lundruese. Ngaqë m'u dha herët, mrekullia nuk u përsërit kurrë. Shkruaj ku dua, zakonisht në vende të zakonshme të shtëpisë ku jetoj, në disa qoshka në Tiranë – gjysmë kafene, gjysmë bibliotekë, që ofrojnë heshtje relative, si një sallë koncertesh ku, veç muzikës, dëgjon një kollë, një fjali të murmuritur ose zhurmën e dikujt që lë koncertin në mes. I kushtoj vëmendje gjuhës, shmang "fjalët arkeologjike", që pengojnë komunikimin me bashkëkohësit. Ndërthur zhanret letrare, prozë me parametrat e poezisë. Koha ime e preferuar e punës është afër mesnatës, ora që kthen natën drejt ditës, siç kthehet një faqe libri....

...Orkestra është një shoqëri instrumentesh. Të mëson se ku e ke vendin dhe cila është koha jote. Orkestra të bën të kuptosh se kur mund të jesh solist, kur duhet të shkrihesh në një zë me korin dhe kur duhet të heshtësh e të bëhesh dëgjues, madje të duartrokasësh suksesin e të tjerëve. Orkestra është një metaforë e pashpërdoruar për njeriun, për jetën e tij. Edhe termat në italisht poshtë pentagramit nuk janë "tempo muzikore", siç duken: mund të lexohen propozime për mënyra jetese, si të jetosh, sugjerime se mund të jetohet në gjendje "a piacere" – jeto për qejfin tënd, "tempo comodo" – jeto me ritëm të qetë, "con fuoco" – jeto me pasion, "adagio" - jeto ngadaltë dhe madhërisht, "tempo andante" - jeto pa ngut, me hap njerëzor, "allegro ma non troppo" - gëzo, por jo shumë, "allegro vivace" - jeto gëzueshëm, "ritardando" – ngadalëso nga pak ritmin e të jetuarit, sikur të këshillon...

...Të kuptuarit e fqinjëve është e rëndësishme për mua si lexues, dhe si autor, por kam mësuar: nga syri i të huajit mos prit shumë. Ballkanasit e kanë mjeshtri t shohin Veten si Gulliverin gjigant dhe Tjetrin si Guliveri xhuxh. Shumë shkrimtarë nga rajoni, duke përfshirë edhe shqiptarë, kërkuan famë të shpejtë dhe prodhuan vepra "à la carte", duke rikthyer në kujtesë "letërsinë me porosi", kitsch-in ballkanik, një shumëfishim të stereotipeve të formuara nga presionet tregtare. Gjithë sa prodhuan ishite një Disneyland ballkanas i temave të porositura të tmerrit, trafikimeve, "çudive" të komunizmit dhe i luftërave, që magjepsin lexuesin e huaj ...

https://www.portalnovosti.com/arian-leka-more-smo-pretvorili-u-cudoviste?fbclid=IwY2xjawJTxH5leHRuA2FlbQIxMQABHTpgdXJUb7krf3LqmbI_9LSqf8k3rrWrpQQw7KxdMcNk-lhxRcUpIK1geQ_aem_wTodvHWumSzoKycbFlQWUA

Arian Leka botohet në "Luceafărul de dimineață

"Luceafărul de dimineață", revista e mirënjohur kulturore e letrare e Bukureshtit botoi tekstin e Arian Lekës "Eu Nimeni sunt. Tu cine esti?,- Jam Askushi! Kush je ti?" të Arian Lekës. Teksti është përkthyer nga anglishtja prej shkrimtares dhe kritikes letrare, Andrea H. Hedeș dhe gjendet në në numrat 1 dhe 2, janar - shkurt 2025 . Më herët, po kjo revistë ka publikuar edhe "Poetul în piaţă - Poet në Market", përkthyer nga Ioana Diaconescu. Libra, artikuj, studime dhe tekste të tjerë të Arian Lekës botuar në gjuhën rumune janë:

2025: Dr. Arian Leka / Dr. Ardian Kycyku: Status Qvorum - Studim monografik -Letërsia shqiptare – përkthime në gjuhët e Bashkimit Europian dhe të Ballkanit Perëndimor.

https://www.calameo.com/read/00074617385356d098a67

2025: Arian Leka, "Luceafărul de dimineață", 2, Eu Nimeni sunt. Tu cine esti?, Përktheu nga anglishtja, Andrea H. Hades.

https://www.luceafarul-de-dimineata.eu/revista_numarul...

2025: Arian Leka, "Luceafărul de dimineață", 1, Eu Nimeni sunt. Tu cine esti?, Bukuresht, Përktheu nga anglishtja, Andrea H. Hades.

https://www.luceafarul-de-dimineata.eu/revista_numarul...

2024: Arian Leka, "Nuema", 9-10, "Un Alef la Zagreb" Bukuresht, Përktheu nga anglishtja, Ioana Diaconescu.

https://www.revistaneuma.ro/.../revista.../nr-9-10-2024.html

2024: Arian Leka: "România Literară", "Sunt interesat de cei care fără adăpost poetic, nu de poeți, care trăiesc în cărțile lor." (Intervistë me shkrimtarin Augustin Cupsa dhe poezi nga Hartă mută pentru înecaţi (Hartë memece për të mbyturit), përkthyer nga Ardian Ch. Kyçyku.)

https://romanialiterara.com/.../arian-leka-sunt.../...

2021: Arian Leka: Arian Leka, "Luceafărul de dimineață", 11/12, "Poetul în piaţă." Përktheu nga anglishtja Ioana Diaconescu.

http://www.luceafarul-de-dimineata.eu/.../revista...

2021: Arian Leka, "Convorbiri Literare", 3, Auschwitz Maritimo -2. Përkteu nga anglishtja, Ioana Diaconescu.

https://alexandracherciu.ro/.../04/CONVORBIRI-LITERARE.pdf

2021. Arian Leka, "Neuma", 7-8, 2021, "Pionieri, gabeli, si traficanti de femei." Përkthyer nga shqipja, Ardian Ch. Kyçyku.

https://issuu.com/revistaneuma/docs/rn782021

2021: Arian Leka, "Convorbiri Literare" 2, Auschwitz Maritimo -1. Përktheu nga anglishtja, Ioana Diaconescu. 

2021: Arian Leka, "România Literară" 25, "Mai presus de cuvinte". Përktheu nga anglishtja, Ioana Diaconescu. 

https://romanialiterara.com/.../arian-leka-mai-presus-de.../

2020: Arian Leka, "Convorbiri Literare," 7, "De unde a venit lumina?", Përktheu nga anglishtja, Ioana Diaconescu. 

2019: Arian Leka, "Nuema". Arian Leka - Imigranţi și combatanţi. Përktheu nga anglishtja, AnA - Maria Florea. Nr. 7-8. 21-22. (Iulie-August 2019), 

http://oldrimsix.info/revista-neuma-7-8-2019/

2019 - Arian Leka. Poezia. Iaßi, Rumania Antologia. Përktheu nga anglishtja, Valeriu Stancu / Maria Stancu. 

2017: Arian Leka, Poesis internaional, 19, Strabism". Përktheu nga shqipja Kopi Kyçyku. 

http://poesisinternational.blogspot.al/.../poesis...

2016/7: Arian Leka "ComUnique", 13-14-15, "Nevoia de a inventa", Përktheu nga shqipja Ardian Ch. Kyçyku.

https://issuu.com/.../revista_comunique_13-15_-_online_ve

2016 / 7: Arian Leka, "Haemus", 54-57, "Nimic mai mult decât luna", Përktheu nga shqipja Kopi Kyçyku. 

http://en.calameo.com/books/00074617317f5bfccb54c

2015: Arian Leka, "Haemus Plus", "Corecturi" Përktheu nga shqipja Ardian Ch. Kyçyku.

https://revistahaemus.blogspot.com/.../arian-leka...

Libra në gjuhën rumune

2017: Arian Leka, "Biblioteca plutitoare" (antologie de autor în limba română). Përktheu nga shqipja Ardian Kyçyku, Editura Charmides. 

http://ahaemus.blogspot.com/.../arian-leka-biblioteca...

2007: Arian Leka, "Nava Somnului", Përktheu: Kopi Kyçyku, Editura Haemus.

https://librarium-haemus.blogspot.com/.../arian-leka-nava...

Çmime letrare në Rumani:

2022 – Rumani Çmimi Ndërkombëtar "Tudor Arghezi – Opera Omnia", - Çmim i Lidhjes së Shkrimtarëve dhe Artistëve të Rumanisë.

https://ata.gov.al/.../arian-leka-fitues-i-cmimit-per.../

2019 – Rumani – Çmimi "Poeti i Kryeqytetit kulturor të Iaßi" - Çmim i Lidhjes së Shkrimtarëve dhe Artistëve të Rumanisë.

https://gazeta-shqip.com/.../arian-leka-vleresohet-me.../

 

Merima Krijezi - “POETEKA - Tirana in Between”

Merima Krijezi është një tjetër fituese e grantit për qëndrim në rezidencën letrare "POETEKA - Tirana in Between" - 2025, mbështetetur nga TRADUKI dhe që drejtohet nga Poeteka prej më se një dekade.

Prefesoresha dhe përkthyesja Merima Krijezi lindi në Beograd në vitin 1972. U diplomua në Katedrën për Gjuhë dhe Letërsi shqipe të Fakultetit Filologjik të Beogradit ku, në vitin 2013, mbrojti doktoraturën me tezën doktorale "Kuptimi i parafjalëve në shqip dhe serbisht." Ajo punon pranë kësaj katedre, si profesore e asociuar, ndërkohë që prej vitit 2006 i ka qenë bashkëpunëtore e përhershme e Institutit për Përparimin e Arsimit në Beograd, ndërsa gjatë të viteve 2004–2012 ka kontribuar rregullisht për revistën "Sveske" për Letërsi, Art dhe Lulturë (Pançevë).

Merima Krijezi është një nga autorët e "Fjalorit elektronik shqip-serbisht-shqip" (mbi 35.000 fjalë e shprehje frazeologjike) të platformës VOC UP. Fjalori është publikuar në uebsajtin - https://www.fjalor-recnik.com, me mbështetjen e IOM-it e në bashkëpunim me Misionin e Kombeve të Bashkuara në Kosovë, Ambasadën Britanike në Prishtinë dhe Zyrën e Komisionerit për gjuhët.

Si përkthyese letrare, Merima Krijezi ka botuar një numër të madh tekstesh, kryesisht letrare (prozë dhe poezi) nga shqipja dhe serbishtja, përfshi këtu pe4rkthime filmash të shkurtër dokumentarë e reportazhe. Përkthimet e saj janë botuan në revista prestigjioze të letërsisë dhe të përkthimit në rajon, me vlen të përmenden bashkëpunimet me "Sarajevske Sveske", "Sveske", "Mostovi", "Treći trg", "Beogradski književni časopis", "Poeteka", "Naše stvaranje" etj. Ndër to, vend të rëndësishëm zënë edhe përkthimet e tregimeve, eseve dhe pjesëve të zgjedhura nga romanet e autorëve shqiptarë I. Kadare, F. Kongoli, R. Dibra, L. Starova, E. Tupja, K. Mehmeti, S. Spasse, H. Kadare, A. Apolloni, Xh. Bajraj, B. Rogova Gaxha etj.

Përveç eseve, tregimeve, artikujve, filmave, dokumentarëve e reportazheve, Merima Krijezi ka sjellë në gjuhën serbe dy romane, "Ridënimi" nga Fatos Lubonja (2021) dhe "Vajzat me çelës në qafë" nga Lindita Arapit (2025), "Poezi të zgjedhura" të Arian Lekës (2023) si dhe një numër të konsiderueshëm poezish të autorëve bashkëkohorë shqiptarë.

Fituese të tjera të grantit grantit të mbështetur nga TRADUKI për vitin 2025 janë edhe Evgenia Dineva – shkrimtare e dhe Katarina Mitrovic - shkrimtare.

Katarina Mitrović - “POETEKA - Tirana in Between”

Katarina Mitrović eshtë një tjetër fituese e grantit për qëndrim në rezidencën letrare "POETEKA - Tirana in Between" - 2025, mbështetetur nga TRADUKI dhe që drejtohet nga Poeteka. Katarina Mitrović (1991) lindi në Beograd. Studioi në Fakultetin e Arteve Dramatike, Dega e Dramaturgjisë, ku u diplomua dhe tani po kryen studimet master.

Ajo është autore e dy librave me poezi, "Mitra" (2017) dhe "Teksa pres të kalojë (2018). Pas këtyre botimeve Katarina Mitrović publikoi një roman në vargje, titulluar "Jo të gjitha shtëpitë kanë oborr (2020), ndjekur nga romani në prozë "Të gjitha Barbt e Mira (2024). Po në vitin 2024, ajo fitoi çmimin "Prof.Boško Milin" për interpretimin e tekstit "Lakuriq". Katarina Mitrović punon si skenariste për seriale dhe filma.

Fituese të tjera të grantit grantit të mbështetur nga TRADUKI për vitin 2025 janë edhe Evgeniya Dineva – shkrimtare e Merima Krijezi – përkthyese.

Arian Leka botohet në VerseVille

VerseVille, e njohur si një nga revistat më të vlerësuara të poezisë në botë, sjell në numrin e saj më të ri një përzgjedhje poetësh nga Ballkani, mes tyre edhe poezi shqip-anglisht të Arian Lekës, nga "Hartë memece për të mbyturit", esenë "Prej nga vjen Drita", në anglisht dhe një përfytyrim të tij mbi rajonin.

Ku botim i veçantë i VERSEVILLE - BALKANS u drejtua nga poeti dhe përkthyesi portugez Rui Cóias - redaktor i këtij dhe editorët e4 revistës VerseVille magazine dhe Sonnet Mondal, që përmes kësaj antologjie tërhoqën vëmendjen e lexuesve mbi vise letrare ende të panjohura në juglindje të Europës

Poems by Arian Leka
http://www.verseville.org/poems-by-arian-leka.html

Essay: Where Does Light Come From?
http://www.verseville.org/where-does-light-come-from-by-arian-leka.html

The Balkans: Geography, Memory, Poetry
http://www.verseville.org/issue-xxxviii-january-2025-balkan-poetry.html

12 vjet rezidenca letrare POETEKA - Tirana in Between

... 12 vjet nga krijimi i një programi kulturor për shkrimtarë, përkthyes letrarë dhe artistë në rezidencë, njohur si "POETEKA - Tirana in Between"! Që nga janari 2013, e transformuam konceptin tonë origjinal nga një skicë projekti në një hapësirë mikpritëse, që u bë shtëpi për 65 autorë nga rajoni dhe Europa, duke kontribuar në peizazhin kulturor të kryeqytetit shqipta.

Prej më shumë se një dekade, ky program zbatohet në kuadër të projekteve "Reading Balkans" dhe "Translation in Motion" të bashkëmbështetur nga rrjeti europian për letërsinë dhe libra - TRADUKI, nga Programi i "Europës Krijuese" të Bashkimit Europian, si dhe nga Ambasada e Gjermanisë, Goethe Zentrum Tirana, Ambasada e Austrisë dhe Ministria e Kulturës së Shqipërisë. Së fundmi, programi rezidencial "POETEKA - Tirana in Between" është përfshirë në Hartën e Rrjetit Europian të Rezidencave të Përkthimeve Letrare (RECIT – Réseau Européen des Centres de Traducteurs).

Fituesit e granteve të rezidencës letrare "POETEKA - Tirana in Between", që mbështeten nga TRADUKI për vititn 2025 janë: Evgeniya Dineva – shkrimtare; Merima Krijezi – përkthyese; Katarina Mitrović – shkrimtare.

Evgeniya Dineva është poete dhe shkrimtare letrare nga Bullgaria. Veprat e saj janë botuar në "Oxford Poetry Library", "Hong Kong Review", "Ethel", "Asian Cha" e të tjera revista me prestigj të lartë. Përmbledhja e saj debutuese me poezi "Kafshët nuk kanë etër" u botua në nëntor të vitit 2023. Evgeniya Dineva është laureate e shumë çmimeve letrare në Bullgari. "Kjo nuk është arsyeje për t'u telefonuar miqve në mes të natës" (Yavanika Press, 2024) është libri më i fundit i botuar prej saj, nërkohë që gjatë 2025 pritet të botohet libri "Ritualet e përshëndetjes" (Origami Press).

Evgeniya Dineva është anëtare e Fondacionit Elizabeth Kostova për Shkrim Krijues. Projekti i saj më i ri letrar, të cilin do e zhvillojë gjatë qëndrimit në rezidencën letrare të Tiranës ka si hap të radhës punën me përmbledhjen e saj të parë me tregime, titulluar "Kalava".

Pas 3 librave të sukseshëm me poezi, vëllimi "Kalava" (hinduisht), është konceptuar si një prozë fiction strukturuar në 25 njësi letrare të frymëzuara nga përvojat që Evgeniya Dineva eksploroi në Indi dhe në vende të ndryshme anembanë Europës gjatë viteve. Tregimet prekin jetën e emigrantëve, luftën dhe rolin e shoqërisë në formimin e besimeve dhe qëndrimeve ndaj prejardhjes sonë. Disa nga tregimete librit janë botuar tashmë në revista të njohura letrare dhe janë përfshirë në antologji SHBA, Britaninë e Madhe dhe në Indi. Dy nga tregimet e kësaj përmbledhjeje kanë fituar çmimin e parë për prozën e shkurtër letrare në Bullgari:Çmimi Kombëtar "Yana Yazova", 2022 dhe konkursin vjetor i tregimit të shkurtër të Lidhjes së të Shkrimtarëve të Pavarur, 2023.

Photo credit: Assen Georgiev.